Տաթև համայնքի ղեկավար Սամվել Լալայանը Հարժիսում հանդիպեց բնակիչների հետ և քննարկեց գյուղին առնչվող մի շարք հարցեր։ Ներկաներն առաջարկեցին ֆոնդային հողերից նոր ընտանիքներին հողատարածք տրամադրել։ Առաջարկն ընդունվեց և որոշվեց մոտ ժամանակներում հարցը քննարկել Սյունիքի մարզպետ Ռոբերտ Ղուկասյանի հետ և ընթացք տալ։ Հանդիպմանը բարձրացվեցին նաև ճանապարհների բարեկարգման, գազամատակարարման, կոյուղագծի կառուցման, տրանսպորտի հետ կապված այլ հարցեր։ Սամվել Լալայանը տեղեկացրեց, որ այս տարի սուբվենցիոն ծրագրերից մեկն էլ ուղղված է Հարժիսի կոյուղագծի կառուցմանը, որի համար նախատեսված է 70 մլն դրամ։ Վերջինս տեղեկացրեց նաև, որ մոտ օրերս կմեկնարկեն էլեկտրաէներգիայի մատակարարման, վառված լուսատուների փոխման, ճանապարհների փոսալցման աշխատանքները։
Համայնքի ղեկավարը վստահեցրեց, որ նման հանդիպումները շարունակական կլինեն։
