Օրեր առաջ՝ օգոստոսի 5-ին, ՀՀ ՊՆ Սյունիքի մարզի Կապան քաղաքում հանդիսավոր կերպով տեղի ունեցավ նորակոչիկների զինվոական երդման արարողություն:
Հայկական բանակ զորակոչված յուրաքանչյուր քաղաքացի ծառայությունը սկսելուց առաջ հանդիսավորությամբ երդում է տալիս՝ իր զինակիցների ու հրամանատարների ներկայությամբ, զենքը ձեռքին, մարտական դրոշի ներքո: Զինվորական երդումը տրվում է անհատապես և հաստատվում սեփական ստորագրությամբ:
Երդման արարողությանը ներկա էին զորամասի հրամանատարական կազմը, մարզային ու տեղական իշխանական կառույցների ղեկավարները, զինվորականներ, ծնողներ, հյուրեր:
Ավանդույթի համաձայն, նորակոչիկներին տրվեցին երկօրյա ազատ արձակման թերթիկներ և նրանք իրենց ծնողների ու հարազատների հետ մեկնեցին հայրական օջախներ:
SHAMSHYAN.com-ի թղթակցի հետ զրույցում նորակոչիկները իրենց գոհունակությունն էին հայտնում բանակային կյանքից: Մասնավորապես նշում էին, որ հպարտ են՝ ծառայելով Հայոց բանակում և գիտակցում են, որ Հայաստանի Հանրապետությունը այսօր առավել ևս կարիք ունի մարտուկան ու խիզախ զինվորների:
Լուսանկարները՝ Էդիկ Սիմոնյանի
Նյութի աղբյուր՝ Շամշյան
