Այսօր՝ ապրիլի 19-ին, արտակարգ դեպք է տեղի ունեցել Սյունիքի մարզում:
Ժամը 11:00-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Կապան քաղաքի Հունան Ավետիսյան փողոցի 16 և 18 շենքերի միջնամասում գտնվող, նոր կառուցվող շենքի տարածքում հրդեհ է բռնկվել:
Ինչպես հայտնում է ֆոտոլրագրող Գագիկ Շամշյանը, դեպքի վայր են մեկնել Կապանի թիվ 54 հրշեջ փրկարարական ջոկատից 1 մարտական հաշվարկ:
Ժամանել են նաև Ոստիկանության Կապանի բաժնի հերթապահ խումբը և Կապանի շտապօգնության բժիշկների հերթապահ խումբը:
Պարզվել է, որ շինարարական աշխատանքներ իրականացնելու ժամանակ ձյութի հալեցման ընթացքում հրդեհ է բռնկվել, որն այնուհետև ինքնամարվել է:
Հրդեհից այրվածքներ են ստացել «ԴԵԴԱԼ» ՍՊ ընկերության աշխատակիցներ Հրաչ Շաքարյանը, Ալեն Միքայելյանը և Մուրադ Ստեփանյանը, ովքեր ժամը 11:16-ին հոսպիտալացվել են Կապանի բժշկական կենտրոն:
Դեպքի վայր են ժամանել նաև ՀՀ ՆԳՆ Ոստիկանության Ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները՝ վաշտի հրամանատար Վաչե Ալավերդյանի, դասակի հրամանատար Արմեն Սարգսյանի գլխավորությամբ, ովքեր տեղում ուժեղացված ծառայություն են կատարել և սահմանազատել են տարածքը, որպեսզի հետաքրքրասերները ավտոմեքենաները չկայանեն և խցանում տեղի չունենա:
Լուսանկարները՝ Յուրա Գաբրիելյանի
Նյութի աղղբյուր՝ shamshyan.com
ԼՈՒՍԱՆԿԱՐՆԵՐ 16+
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։
