❗️Մարտի 10-ին՝ ժամը 14:20-ին, Սյունիքի մարզի Օխտարի միջնակարգ դպրոցի աշակերտներին ու աշխատակիցներին տեղափոխող ավտոբուսը Նորաշենիկ-Կապան ճանապարհին վթարվել ու հայտնվել է ձորում։
Վթարի հետևանքով տուժած 24 հոգի տեղափոխվել է Կապանի բժշկական կենտրոն, որտեղ նրանք անհրաժեշտ բուժօգնություն են ստանում։
Հիվանդանոցում արձանագրվել է ուսուցիչ Թ․ Դ․-ի մահը։
Խնդրում ենք հետևել պաշտոնական լրատվությանը․ տուժածների առողջական վիճակի մասին լրացուցիչ տեղեկություն կտրվի։
Սյունիքի մարզպետարան
Թարմացում❗ Սյունիքի մարզում տեղի ունեցած ավտոբուսի վթարի հետևանքով Կապանի բժշկական կենտրոն է տեղափոխվել 23 տուժած` տարբեր աստիճանի մարմնական վնասվածքներով:
Նրանցից 14-ը երեխաներ են, ունեն տարբեր կոտրվածքներ: Բոլորի առողջական վիճակն այս պահին գնահատվում է բավարար:
Տուժածներից 9-ը մեծահասակ են: Նրանցից 3-ի առողջական վիճակը գնահատվում է ծանր, մյուսներինը` բավարար:
Տուժածները ստանում են անհրաժեշտ բժշկական օգնություն:
ՀՀ առողջապահության նախարարություն
