Վերջին լուրեր:
ՀՀ ԱԺ «Քաղաքացիական պայմանագիր» խմբակցության պատգամավոր Արսեն Թորոսյանը ֆեյսբուքյան էջում գրել է.
«Շաբաթ և կիրակի օրերին ՔՊ վարչության նախագահի, ԱԺ ՔՊ խմբակցության պատգամավորների և Սյունիքի մարզպետի հետ եղանք Սյունիքի մարզի մի շարք քաղաքներում։
Կապանում և Մեղրիում տեղի ունեցան ՔՊ տարածքային կազմակերպությունների խորհուրդների և վերահսկողի ընտրություններ, ինչի կապակցությամբ շնորհավորում եմ մեր գործընկերներին և արդյունավետ աշխատանք եմ մաղթում՝ ի բարօրություն իրենց համայնքների և Սյունիքի։
Հանդիպեցինք նաև Քաջարանի ավագանու ընտրություններում ՔՊ ցուցակը գլխավորող Արմեն Առաքելյանի և մեր համակիրների հետ։ Քննարկեցինք նախընտրական քարոզարշավի նախապատրաստական աշխատանքերը։
Հանդիպում եղավ նաև Գորիսի, Տաթևի և Տեղի մեր կուսակցականների և համակիրների հետ»։
