Երեկ՝ օգոստոսի 2-ին, խոշոր ավտովթար է տեղի ունեցել Սյունիքի մարզում։ Ժամը 21։15-ի սահմաններում Սյունիքի մարզի բնակիչ, ՌԴ քաղաքացի 56-ամյա Գառնիկ Ե․-ն իր վարած Mercedes GLS 350 մակնիշի ռուսական համարանիշներով ավտոմենքենայով Տաթև-Գորիս ավտոճանապարհի 25 կմ հատվածում բախվել է Սյունիքի մարզի բնայիչ 48-ամյա Մաքսիմ Ս․-ի վարած ГАЗ 53 մակնիշի առանց հաշվառման համարանիշի ավտոմեքենայի հետնամասին։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Mercedes-ի վարորդ Գառնիկ Ե․-ն մարմնական վնասվածքով տեղափոխվել է «Գորիս» բժշկական կենտրոն։ Օպերատիվորեն ժամանել են Ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները՝ վաշտի հրամանատար Վաչե Ալավերդյանի, դասակի հրամանատար Արմեն Սարգսյանի և ավագ տեսուչ Սուրեն Վարդանյանի գլխավորությամբ։
Օպերատիվորեն ժամանել են նաև ոստիկանության Գորիսի բաժնի հերթապահ խումբը՝ օրվա պատասխանատու հերթապահի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Միհրան Միրզոյանը տեղեկությունը փոխանցել է Հայաստանի քննչական կոմիտեի Սյունիքի մարզային քննչական վարչության Գորիսի քննչական բաժին, որտեղից ժամանել է քննչական խումբը՝ օրվա հերթապահ քննիչի գլխավորությամբ, ում կողմից վթարի փաստով նախաձեռնվել է վարույթ։
Լուսանկարները՝ Յուրա Գաբրիելյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
Նյութի աղբյուր՝ © shamshyan.com
