Սյունիք
870

000 OO 00 համարանիշը ձեռք է բերել Գորիսի համայնքապետի հայրը․ մանրամասներ. ArmLur.am


«Գոլդ» համարանիշների աճուրդը ավարտվեց 2024 թվականի փետրվարի 28-ին։ Ավելի ուշ հայտնի դարձավ, որ 7 համարանիշները վաճառվել են 156 մլն դրամով, այդ թվում է նաև բոլորի կողմից ցանկալի՝ 000 OO 00  համարանիշը։
ArmLur.am-ին հայտնի է դարձել, որ համարանիշները ձեռք է բերվել «Առանցք» ՍՊԸ-ի կողմից։ Ուսումնասիրության արդյունքում ՀՀ Արդարադատության նախարարության իրավաբանական անձանց պետական ռեգիստրից տեղեկացանք, որ «Առանցք» ՍՊԸ-ն պատկանում է Գագիկ Սամվելի Առուշանյանին, ով ՍՊԸ-ի տնօրենն է։
Ըստ ՀՀ ընտրողների պետական ռեգիստրի՝ Գագիկ Առուշանյանը բնակվում է Սյունիքի մարզի Գորիս համայնքում և գրանցված է նույն հասցեում, որտեղ գրանցված է նաև Գորիսի համայնքապետ Առուշ Առուշանյանը, այսինքն՝ Գագիկ Առուշանյանը համայնքապետի հայրն է։


ArmLur.am-ի տեղեկությունների համաձաւյն՝ համարանիշները գրանցված են Mercedes-benz G63 AMG 4.0 մեքենայի վրա, որը օրերս շրջում էր Երևանի փողոցներում, իսկ ArmLur.am-ի տեսախցիկը ֆիքսել է մեքենան։։


ArmLur.am-ը փորձեց կապ հաստատել Առուշ Առուշանյանի հետ, սակայն ինչպես միշտ նա որևէ զանգի չարձագանքեց։

Էմմա Միքայելյան

Նյութի աղբյուր՝ ArmLur.am

ԿԻՍՎԻՐ ԸՆԿԵՐՆԵՐԻԴ ՀԵՏ:

Գովազդ

Միացեք մեզ ֆեյսբուքում

Վերջին լուրեր