Վերջին լուրեր:
Կառավարության նիստի մեկնարկից առաջ նման հայտարարությամբ հանդես եկավ ՀՀ վարչապետ Նիկոլ Փաշինյանը։
Ադրբեջանը մինչ օրս քայլեր չի ձեռնարկել նաև ԼՂ հայության ներկայացուցիչների հետ միջազգային հանրության համար տեսանելի երկխոսություն սկսելու ուղղությամբ, ինչի վերաբերյալ պարտավորություն է ստացել միջազգային մի շարք հարթակներում։ Զուգահեռաբար, Ադրբեջանի կողմից փորձ է արվում կառուցողական երևալ և հայտարարվում է, թե ԼՂ հայերն իրենց քաղաքացիներն են, և նրանց իրավունքներն ու անվտանգությունն ապահովված է։ Թե այս պնդումը որքանով է իրականությանը պատասխանում` կարելի է գործնականորեն պատասխանել` ներկայացնելով, թե Ադրբեջանն ինչ պայմաններ է ստեղծել Հադրութի և ԼՂ այլ հայաբնակ տարածքների հազարավոր բնակիչների անվտանգ վերադարձի համար, որոնք տեղահանվել են 2020-ի 44-օրյա պատերազմի հետևանքով։Ադրբեջանի կողմից այս ուղղությամբ ոչ մի քայլ չի ձեռնարկվել, ինչը 2020-ի նոյեմբերի 9-ի եռակողմ հայտարարության 7-րդ կետի կոպիտ խախտում է։ Նույն կետի խախտումով Ադրբեջանը խոչընդոտում է ՄԱԿ–ի` մասնավորապես, փախստականների հարցով գերագույն հանձնակատարի գրասենյակի ներկայացուցիչների մուտքը ԼՂ։ «Այս և նմանատիպ մի շարք գործողություններ և հայտարարություններ անկհայտ են դարձնում, որ Ալիևը ոչ միայն սպառնում է, այլև նախապատրաստում է ԼՂ հայության ցեղասպանություն»,-ասաց Փաշինյանը։
